ГалоўнаяНавіныНавіны Нацыянальнай бібліятэкі Беларусі
Маргарыта Латышкевіч: Люблю марыць, а часам і падурэць
Помнікі нацыянальнага прыгожага пісьменства ў даследаваннях Івана Саверчанкі

Новае краязнаўчае электроннае выданне бібліятэкі

Новае краязнаўчае электроннае выданне бібліятэкі
Іншыя навіны

Выйшаў у свет чарговы кампакт-дыск з шэрагу электронных выданняў Нацыянальнай бібліятэкі Беларусі, якія знаёмяць з інфармацыйнай спадчынай розных мясцін Беларусі, іх гісторыяй і культурнымі здабыткамі.

Выданне прысвечана Навагрудку, аднаму са знакавых і найбольш старажытных гарадоў нашай краіны, узрост якога налічвае амаль тысячагоддзе. Навагрудак займае асобнае месца ў айчыннай гісторыі: у свой час ён адыгрываў ролю палітычнага і адміністрацыйнага цэнтра Вялікага Княства Літоўскага, на працягу стагоддзяў з’яўляўся асяроддзем духоўнага, рэлігійнага і культурнага жыцця. Гэта малая радзіма многіх знакамітых асоб, якія праславіліся не толькі на сваёй зямлі, але і набылі сусветную вядомасць.

Мультымедыйнае выданне падрыхтавана ў межах прыкладной навукова-даследчай работы “Віртуальная рэканструкцыя дакументаў і матэрыялаў па рэгіянальнай гісторыі Беларусі”, якую Нацыянальная бібліятэка на працягу апошніх гадоў ажыццяўляе сумесна з бібліятэчнымі, архіўнымі, музейнымі, адукацыйнымі ўстановамі нашай краіны. Кампакт-дыск “Навагрудак. Наваградак. Новогрудок. Nowogródek: старажытны горад у дакументах і матэрыялах” падрыхтаваны ў супрацоўніцтве з Навагрудскай раённай бібліятэкай.

Матэрыялаў па гісторыі Навагрудка і яго наваколля шмат. Горад згадваецца ў разнастайных крыніцах: летапісах, мемуарах, актавых і заканадаўчых зборніках, картаграфічных, выяўленчых дакументах, навуковых, літаратурных, гісторыка-краязнаўчых публікацыях.

У выніку работы над праектам былі выяўлены, абагульнены і ўведзены ў навуковы абарот многія дакументы, факты, асобы і падзеі гісторыі горада за перыяд ад старажытнасці па першую палову ХХ ст. Былі створаны лічбавыя копіі аўтэнтычных дакументаў, падрыхтаваны бібліяграфічныя, ілюстрацыйныя, біяграфічныя, даведачныя і іншыя цікавыя матэрыялы. Усе гэта аб’яднана ў агульным комплексе, рэалізавана адзіная кропка доступу да ўсіх інфармацыйных масіваў.

Электроннае выданне, якое мае асаблівую актуальнасць у сувязі з Годам малой радзімы, арганічна дапаўняе папярэднія краязнаўчыя выданні Нацыянальнай бібліятэкі, што паказваюць непаўторныя куткі нашай краіны. Спадзяёмся, што кампакт-дыск “Навагрудак. Наваградак. Новогрудок. Nowogródek: старажытны горад у дакументах і матэрыялах” будзе цікавы шырокаму колу карыстальнікаў (навукоўцам, выкладчыкам, студэнтам і аспірантам, бібліятэкарам, краязнаўцам, супрацоўнікам музеяў і архіваў, аматарам айчыннай гісторыі) і паспрыяе іх даследчыцкай, адукацыйнай, прафесійнай дзейнасці, імкненню вывучаць родны край.

Выданне можна набыць у кіёску на першым паверсе Нацыянальнай бібліятэкі Беларусі.

Матэрыял падрыхтаваны навукова-даследчым аддзелам бібліяграфіі.

Навіны

31 Кас 2020

У Дзяржаўным музеі гісторыі беларускай літаратуры распачала работу часовая літаратурна-дакументальная экспазіцыя “Творчасць як жыццё...”, прымеркаваная да юбілеяў знакамітых беларускіх драматургаў: 100-годдзя з дня нараджэння Андрэя Макаёнка, 90-годдзя з дня нараджэння Алеся Петрашкевіча і 70-годдзя Аляксея Дударава.

Навіны бібліятэк

Удзел у конкурсе праекта MOST

29 Кас 2020

Праект Еўрапейскага Саюза MOST абвясціў конкурс на кароткі аповед пра здарэнні і ўражанні ўдзельнікаў стажыровак. Цікавыя, пацешныя або кур’ёзныя гісторыі здараюцца нават у сур’ёзных прафесійных паездках. Пераможцамі конкурсу сталі ў тым ліку спецыялісты Нацыянальнай бібліятэкі Беларусі.

Навіны Нацыянальнай бібліятэкі Беларусі

Папулярызацыя рэсурсаў віртуальнай чытальнай залы НББ

30 Кас 2020

29 кастрычніка прайшоў анлайн-семінар віртуальнай чытальнай залы НББ для супрацоўнікаў Прэзідэнцкай бібліятэкі Рэспублікі Беларусь. Прафесійная сустрэча была прысвечана аднаму з самых актуальных пытанняў бібліятэчнага абслугоўвання ў сучасных умовах – выкарыстанню ліцэнзійных электронных інфармацыйных рэсурсаў.

Навіны Нацыянальнай бібліятэкі Беларусі

“Бу!”: даведнік па дамах з прывідамі ў літаратуры

30 Кас 2020

Што можа быць больш прывабным і адначасова страшным для чытача, чым дамы з прывідамі? За апошнюю сотню гадоў мы сталі сведкамі мноства сумных гісторый, дзе галоўныя героі заключаюць здзелку стагоддзя і купляюць дом, у якім яны самі – нечаканыя госці. Мара ператвараецца ў кашмар, а родныя сцены больш не здаюцца бяспечнымі. Прадстаўляем вам даведнік па самай містычна небяспечнай нерухомасці ў літаратуры!

Аўтарскі погляд

30 кастрычніка – 115 гадоў з дня нараджэння народнага мастака Беларусі, выдатнага скульптара Андрэя Ануфрыевіча Бембеля (1905–1986)

30 Кас 2020

Імя мастака добра вядома не толькі знаўцам беларускага мастацтва ХХ стагоддзя, але і шматлікім гасцям нашай краіны. Бо сярод найбольш вядомых турыстычных аб’ектаў мемарыяльны комплекс “Брэсцкая крэпасць-герой”, Курган Славы, манумент Перамогі ў Мінску і многае іншае, аўтарам або суаўтарам стварэння якіх з’яўляўся Андрэй Бембель.

Па старонках беларускага календара

Свабоднае праграмнае забеспячэнне для стварэння краязнаўчых рэсурсаў бібліятэк

29 Кас 2020

22 кастрычніка ў рамках VII Міжнароднага кангрэса “Бібліятэка як феномен культуры” Віктар Пшыбытка правёў анлайн майстар-клас “Выкарыстанне свабоднага праграмнага забеспячэння для стварэння краязнаўчых рэсурсаў бібліятэк”.

Навіны Нацыянальнай бібліятэкі Беларусі

111