ГалоўнаяНавіныНавіны Нацыянальнай бібліятэкі Беларусі
XXVII Мінская кніжная выстаўка-кірмаш: Прэзентацыі ад “Акадэмкнігі”
Ганна Севярынец: У Алеся Дудара меліся выразныя планы беларускай незалежнасці

Нормы бібліяграфічнага апісання – краса навуковага этыкету

Нормы бібліяграфічнага апісання – краса навуковага этыкету
Іншыя навіны

Спіс літаратуры з’яўляецца неад’емнай складанай часткай любой навуковай працы, ён не толькі адлюстроўвае крыніцазнаўчую базу даследавання, але і паказвае кампетэнтнасць і ўменне аўтара знаходзіць і аналізаваць літаратуру.

Як адзначыў Умберта Эка,

“...нормы бібліяграфічнага апісання ўяўляюць сабой, так бы мовіць, красу навуковага этыкету. Іх захаванне ўказвае на звычку да навукі, а іх парушэнне выяўляе выскачку і невука і нярэдка кідае цень ганьбы на працу, здавалася б, прыстойную на першы погляд...”.

Правільнасці афармлення спіса літаратуры ў навуковай працы неабходна надаваць сур’ёзную ўвагу. Асноўныя патрабаванні па афармленні навуковай працы сфармуляваны ВАК РБ у “Інструкцыі аб парадку афармлення кваліфікацыйнай навуковай працы ...”. Канкрэтныя прыклады бібліяграфічнага апісання дакументаў ёсць ва “Узорах афармлення бібліяграфічнага апісання ...”, складзеных на аснове дзеючых ДАСТаў, а таксама ў метадычных рэкамендацыях, падрыхтаваных бібліёграфамі Нацыянальнай бібліятэкі Беларусі.

Без пэўнай падрыхтоўкі прымяняць гэтыя нормы досыць складана, таму ў суiскальнiкаў вучоных ступеней, аспірантаў, магістрантаў, студэнтаў-дыпломнікаў узнікаюць пытанні па апісанні розных відаў дакументаў. Для тлумачэння дзеючых правілаў бібліяграфічнага апісання ў бібліятэцы праводзяцца штомесячныя бясплатныя заняткі, наведаць якія можа любы жадаючы.

Для арганізаваных груп заняткі па правільным афармленні спісаў літаратуры праводзяцца па папярэдніх заяўках як у самой бібліятэцы, так і на тэрыторыі навучальных і навуковых устаноў. Пры правядзенні заняткаў улічваецца мэтавая аўдыторыя і тэматычная накіраванасць навуковых прац.

Нацыянальная бібліятэка Беларусі на працягу шэрагу гадоў праводзіць такія заняткі для студэнтаў і даследчыкаў з розных ВНУ і навуковых устаноў. Шматгадовыя партнёрскія сувязі, да прыкладу, наладжаны з Акадэміяй паслядыпломнай адукацыі – чарговая сустрэча для аспірантаў акадэміі адбылася ў бібліятэцы 23 снежня 2019 года. Суіскальнікі азнаёміліся з дзеючымі нарматыўнымі дакументамі па тэме заняткаў, разабралі тыпавыя прыклады бібліяграфічнага апісання, змаглі задаць свае пытанні.

Атрымаць індывідуальную кансультацыю па асобных выпадках складання бібліяграфічных запісаў можна ў дзяжурнага бібліёграфа аддзела даведачна-інфармацыйнага абслугоўвання ў пам. № 257 (2-гі паверх). Рэжым працы чытальнай залы адпавядае рэжыму работы бібліятэкі.

Матэрыял прадастаўлены аддзелам даведачна-інфармацыйнага абслугоўвання.

Навіны

Фотавыстава “Беларусь: цудоўныя імгненні” адкрылася ў Даўгаўпілсе

24 Май 2022

21 мая да 100-годдзя Нацыянальнай бібліятэкі Беларусі ў Цэнтры беларускай культуры ў Даўгаўпілсе адбылося адкрыццё фотавыставы “Беларусь: цудоўныя імгненні”, падрыхтаванай бібліятэкай сумесна з тэлеканалам “Беларусь 24”.

Навіны Нацыянальнай бібліятэкі Беларусі

Асоба і спадчына Язэпа Пушчы: сучаснае прачытанне

23 Май 2022

20 мая ў Нацыянальнай бібліятэцы Беларусі адбыўся круглы стол “Адысея Язэпа Пушчы”, прымеркаваны да 120-годдзя з дня нараджэння беларускага пісьменніка, сябра літаратурнага аб’яднання “Маладняк”.

Да 100-годдзя літаб'яднання "Маладняк"

“Цікава пачытаць”: кніга “Эвристические сказки. Обучение через открытие. Приключения Лисёнка и его друзей”

23 Май 2022

21 мая ў дзіцячым пакоі прайшлі заняткі “Цікава пачытаць” па кнізе Андрэя Караля і Кацярыны Вараб’ёвай “Эвристические сказки. Обучение через открытие. Приключения Лисёнка и его друзей”.

Навіны Нацыянальнай бібліятэкі Беларусі

Размова з адвакатам аб адказнасці за дзеянні ў сацыяльных сетках

20 Май 2022

19 мая Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавала і праведзена штомесячная тэматычная сустрэча з адвакатам “Адказнасць за дзеянні ў сацыяльных сетках (каментарыі, лайкі, рэпосты)”.

Навіны Нацыянальнай бібліятэкі Беларусі

Яе называлі беларускім Траццяковым

22 Май 2022

22 мая спаўняецца 115 гадоў з дня нараджэння Алены Васільеўны Аладавай (1907–1986), заслужанага дзеяча мастацтваў БССР, даследчыка, збіральніка, захавальніка і прапагандыста высокіх духоўных каштоўнасцей, якая трэць стагоддзя ўзначальвала галоўны мастацкі музей нашай краіны.

Па старонках беларускага календара

Падзяка за паспяховае супрацоўніцтва ў лічбавізацыі культурнай спадчыны

19 Май 2022

19 мая ў рамках II Міжнароднага лічбавага форуму #GBC (Дзяржава. Бізнес. Грамадзяне) намеснік генеральнага дырэктара ТАА “Беларускія воблачныя тэхналогіі” Міхаіл Дука ўручыў генеральнаму дырэктару Нацыянальнай бібліятэкі Беларусі Аксане Кніжнікавай падзяку за паспяховае супрацоўніцтва пры рэалізацыі праекта па лічбавізацыі культурнай спадчыны Беларусі.

Навіны Нацыянальнай бібліятэкі Беларусі

Бібліятэкарам