18 чэрвеня ў дзіцячым пакоі прайшло святочнае мерапрыемства “Нічога на свеце няма цікавейшага, як зладзіць летні паход!”.
Хлопчыкі і дзяўчынкі пазнаёміліся з вясёлымі вершамі на паходную тэму, адгадалі няпростыя турыстычныя загадкі, асвоілі правілы паводзін на прыродзе. Ператварыўшыся ў сапраўдных знатакоў падарожжаў, дзеці адправіліся ў чароўны паход.
Юныя турысты навучыліся збіраць паходны рукзак з самымі карыснымі прадметамі, складаць спальны мяшок, вызначаць бакі свету і карыстацца компасам, пры дапамозе якога следапыты змаглі знайсці схаваны салодкі сюрпрыз. Але які ж паход без прывалу?! Дзяцей чакала незабыўная рыбалка. Загадаўшы запаветнае жаданне, хлопчыкі і дзяўчынкі адпускалі залатую рыбку.
Пад час гульні “Збяры грыбы” ўдзельнікі мерапрыемства навучыліся адрозніваць ядомыя і неядомыя грыбы.
Скончылася свята сумеснай творчай працай “Капялюш ад сонца” і праглядам мультфільма “Ох і Ах ідуць у паход”.
 |
 |
 |
 |
 |
 |
 |
 |
 |
