У гэтым годзе маштабны праект у галоўным кнігасховішчы краіны носіць назву "БібліяLIVE". І сапраўды, у гэты час жыццё ў “алмазе ведаў” кіпіць як ніколі. Музыка, гульні, безлімітныя зносіны і толькі пазітыўныя эмоцыі – абавязковыя атрыбуты свята.
Тых, хто збіраецца прыйсці шумнай кампаніяй, у бібліятэцы чакаюць настолкі “Гульнявы партал”, інтэлектуальная гульня "Мазгабойня”, папулярная гульня “Мафія”, розныя квэсты і камунікатыўная гульня “Геній фінансаў”.
Для прыхільнікаў шахмат і шашак будзе працаваць пляцоўка “Ход канём”. І нават калі такія гульні не ваша тэма, паверце, тут ёсць на што паглядзець. Фішка пляцоўкі – вялізныя шахматныя фігуры. Расчахляем тэлефоны – гэта выдатны момант для сэлфі.
У атрыуме 2-га паверха жывы гук на пляцоўцы “MusicLIVE” забяспечаць музычныя калектывы. Кампазіцыі ў самых розных жанрах, інтэрактыў і нават паказ мод – у гэты вечар вас чакае мора станоўчых эмоцый.
Пляцоўка “У лабірынце традыцый” упрыгожыць свята этнічнымі матывамі. Гасцей бібліятэкі чакаюць майстар-класы па народнай творчасці, песні і танцы, казкі, гульні і іншыя забавы.
Да таго ж Бібліяноч падорыць магчымасць знайсці сапраўднага сябра. Маленькага, пушыстага, якога трэба любіць, карміць і ніколі не кідаць. Сумесна з грамадскім аб’яднаннем па абароне жывёл “Эгіда” ў бібліятэцы будзе арганізавана дабрачынная пляцоўка “Абярніцеся”. Жадаючыя могуць прынесці корм, лекі, напаўняльнікі, пераноскі, латкі і ўсё, што неабходна для ўтрымання жывёл у прытулках і на ператрымках, унесці ахвяраванні, паглядзець каталогі жывёл, а з некаторымі з іх нават пазнаёміцца асабіста.
Мабыць, самая настальгічная пляцоўка фэсту – “Вінілавы рэлакс”. Тут вы зможаце адпачыць душой пад кранальную музыку з вінтажнага прайгравальніка, успомніць ці адкрыць для сябе гэта асабліва мяккае і цёплае гучанне сапраўдных пласцінак.
На дзіцячай пляцоўцы “Дарослых.net” малышам дадуць нарэшце адпачыць ад гэтых надакучлівых бацькоў! Кнігі, гульні, аквагрым, музыка, майстар-класы, спектакль, выступы дрэсіраваных сабачак, навуковае шоу, зона чытання і многае іншае не пакінуць ваша дзіцё абыякавым.
Акрамя святочнага настрою, Бібліяноч зможа даць адказы на даўно хвалюючыя пытанні. Любы жадаючы можа паўдзельнічаць у лекцыях-трэнінгах “Псіхалогія канфлікту” і “Псіхалогія сузалежных адносін”.
Акрамя гэтага госці змогуць пабываць на творчых сустрэчах з цікавымі людзьмі з сферы культуры і мастацтва, а таксама наведаць часовыя і пастаянныя экспазіцыі.
За абнаўленнямі сачыце на афіцыйнай старонцы бібліятэкі і на старонках у сацыяльных сетках – Фэйсбуку і Вконтакте.
“БібліяLIVE” стартуе ў пятніцу 19 красавіка а 19 гадзіне!
Тэлефоны для даведак: (8 017) 266 37 37, 293 28 81.
Е-mail: pr@nlb.by
Матэрыял прадастаўлены аддзелам сувязей з грамадскасцю.
