10 студзеня 2008 года падчас афіцыйнага візіту Нацыянальную бібліятэку наведала дэлегацыя В'етнамскай акадэміі навук і тэхналогій на чале з Прэзідэнтам Данг Ву Мінем.
Падчас агляднай экскурсіі намеснік дырэктара па інфармацыйных рэсурсах Кузьмініч Т.В. пазнаёміла дэлегацыю з гісторыяй і рэсурсамі бібліятэкі, яе магчымасцямі як інфармацыйнага і сацыякультурнага цэнтра краіны. У Музеі кнігі спадар Данг Ву Мінь пакінуў памятны запіс у Кнізе ганаровых гасцей.