Памяць пра вядомага вучонага, геолага, ураджэнца Гродзеншчыны Ігната Дамейку ўшаноўваюць як у Беларусі, так і ў Чылі, дзе ён прызнаны нацыянальным героем.
Не забываюць Ігната Іпалітавіча і нашчадкі. З візітам на радзіму дзеда прыбыла яго праўнучка – Пас Дамейка, аўтар кнігі “Ігнат Дамейка: з Мядзведкі – у Санцьяга-дэ-Чылі”. Разам з ёй прыехала яе дачка з двума ўнукамі.
У Нацыянальнай бібліятэцы Беларусі для сям'і вядомага суайчынніка правялі экскурсію. Акрамя чытальных залаў, гасцям паказалі кніжную спадчыну, звязаную з іх вялікім продкам.
На памяць дырэктар Нацыянальнай бібліятэкі Раман Матульскі ўручыў сям'і Дамейка фотаальбом “Кніжная спадчына Беларусі”.
Чытайце таксама:
"Гэтая зямля ў маёй крыві". Нашчадкі Ігната Дамейкі з Аўстраліі распавялі пра свой візіт у Беларусь