11 студзеня ў Рэспубліканскім навукова-практычным цэнтры “Маці і дзіця” прайшла навагодняя дабрачынная акцыя. Яе арганізавалі ГА “Беларускі саюз жанчын”, Нацыянальная бібліятэка Беларусі і Беларускі народны банк.
Удзельнікаў акцыі – прадстаўнікоў названых структур і пацыентаў цэнтра (дзяцей і іх маці) – прывітала загадчыца педыятрычнага аддзялення РНПЦ “Маці і дзіця” Багдановіч Ірына Пятроўна.
З навагоднімі віншаваннямі і ўручэннем падарункаў выступілі першы намеснік дырэктара Нацыянальнай бібліятэкі Беларусі па абслугоўванні карыстальнікаў і ідэалогіі, член праўлення ГА “Беларускі саюз жанчын” Далгаполава Алена Ерамееўна; член прэзідыума ГА “Беларускі саюз жанчын”, старшыня аб’яднанай прафсаюзнай арганізацыі Нацыянальнага банка Рэспублікі Беларусь Платунова Алена Аляксандраўна; галоўны бухгалтар Беларускага народнага банка Глазырына Аксана Уладзіміраўна. Яны перадалі цэнтру ілюстрацыі вядомых мастакоў, аформленыя ў рамы, дзіцячую літаратуру і цацкі.
Чытайце таксама:
Навагодні ранішнік для дзяцей
