29 снежня ў бібліятэцы прайшла апошняя бясплатная публічная лекцыя з цыкла “Навагодняе ператварэнне з імідж-стылістам Кацярынай Макар”.
Падчас мерапрыемстваў былі разгледжаны тэмы, прысвечаныя сучасным модным тэндэнцыям, дадзены парады па фарміраванні ўласнага іміджу, набыцці ўпэўненасці ў сабе, пашырэнні сацыяльных сувязей. Лектар падзялілася са слухачамі сакрэтамі навагодняга гардэроба 2022 г. Асаблівую цікавасць выклікала лекцыя “Карта жаданняў. Новы імідж – новае жыццё”, на якой кожны слухач змог паставіць перад сабой доўгатэрміновыя і кароткатэрміновыя мэты.
Лекцыі Кацярыны Макар выклікалі жывы інтарэс у чытачоў і супрацоўнікаў бібліятэкі. Творчая атмасфера, інтэрактыўнасць і нязмушаная абстаноўка, прафесіяналізм лектара спрыялі высокаму ўзроўню правядзення мерапрыемстваў і пакінулі самыя станоўчыя ўражанні ў слухачоў.
Матэрыял пададзены аддзелам абслугоўвання спецыялізаванымі фондамі.
