27 снежня ў канферэнц-зале Нацыянальнай бібліятэкі Беларусі ладзіўся навагодні ранішнік для дзяцей супрацоўнікаў бібліятэкі.
Традыцыйна ў святочным мерапрыемстве бралі ўдзел выхаванцы Жодзінскай агульнаадукацыйнай сярэдняй школы-інтэрната для дзяцей-сірот і дзяцей, пакінутых без апекі бацькоў, шэфства над якімі Нацыянальная бібліятэка Беларусі распачала ў 2009 годзе.
Дзеткі забаўляліся ў навагоднім карагодзе, гульнях і конкурсах. Па заканчэнні святочнага прадстаўлення выхаванцы школы-інтэрната атрымалі навагоднія падарункі ад прафкама і супрацоўнікаў Нацыянальнай бібліятэкі Беларусі, якія, у сваю чаргу, сталі ўдзельнікамі дабрачыннай акцыі “Ажыццяві дзіцячую мару”.
Для маленькіх гасцей была праведзена экскурсія па Нацыянальнай бібліятэцы Беларусі.