26 чэрвеня 2009 года Нацыянальную бібліятэку наведалі 150 удзельнікаў Рэспубліканскага балю выпускнікоў вышэйшых навучальных устаноў.
Для адоранай і таленавітай моладзі, якая ўяўляе сабой інтэлектуальны патэнцыял нацыі, былі праведзены экскурсіі.
Лепшых выпускнікоў ВНУ Беларусі пазнаёмілі з архітэктурна-будаўнічымі асаблівасцямі і мастацкім афармленнем новага будынка Нацыянальнай бібліятэкі Беларусі, ім прадставілі галоўную бібліятэку краіны як інфармацыйны, сацыякультурны і сацыяпалітычны цэнтр.
Гасцям прадэманстравалі магчымасць доступу як да дакументальнага фонду бібліятэкі, так і да электронных інфармацыйных рэсурсаў, якія адлюстроўваюць універсум чалавечых ведаў і дазваляюць на якасна новым узроўні атрымліваць неабходную інфармацыю.
Напрыканцы экскурсіі выпускнікі наведалі музей кнігі, дзе іх пазнаёмілі з экспазіцыямі “Рарытэты з фондаў Нацыянальнай бібліятэкі Беларусі”, “Нацыянальная бібліятэка Беларусі. Вехі гісторыі”, “Падпольны і партызанскі друк Беларусі: да 65-годдзя вызвалення Беларусі ад нямецка-фашысцкіх захопнікаў”.
 |
 |
 |
