23 чэрвеня 2009 года ў рамках шэрага мерапрыемстваў, прымеркаваных да Дня ўсенароднай памяці ахвяр Вялікай Айчыннай вайны, Нацыянальную бібліятэку Беларусі наведалі ветэраны Савецкага раёна г. Мінска.
Яны прынялі ўдзел у цырымоніі перадачы ў дар бібліятэкам краіны альбома мастацкіх твораў заслужанага дзеяча Рэспублікі Беларусь І.С. Дмухайлы.
Cупрацоўнікамі аддзела экскурсійна-метадычнай работы Нацыянальнай бібліятэкі Беларусі для ветэранаў былі праведзены аглядныя экскурсіі.
Гасцей пазнаёмілі з гісторыяй бібліятэкі, архітэктурна-будаўнічымі асаблівасцямі, мастацкім афармленнем будынка, расказалі пра багацце кніжных фондаў і арганізацыю абслугоўвання чытачоў у бібліятэцы. У ходзе экскурсіі ветэраны наведалі мастацкую галерэю “Атрыум” і музей кнігі, а таксама падняліся на аглядную пляцоўку.
 |
 |
 |
