25 студзеня ў бібліятэцы прайшла цырымонія дарэння калекцыі кніг ад Дома рускага замежжа імя Аляксандра Салжаніцына.
Фонды Нацыянальнай бібліятэкі папоўніў камплект літаратуры ў колькасці 300 экзэмпляраў па гісторыі рускага замежжа, рускай мове, культуры і гісторыі Расіі. Падобныя праекты прайшлі і ў іншых гарадах Беларусі – Полацку, Брэсце, Мазыры. Амаль 5 тыс. кніг перададзена ў дар беларускім установам культуры і адукацыі.
У мерапрыемстве прынялі ўдзел дырэктар Нацыянальнай бібліятэкі Беларусі Раман Матульскі, выконваючая абавязкі кіраўніка Прадстаўніцтва Рассупрацоўніцтва ў Рэспубліцы Беларусь – Расійскага цэнтра навукі і культуры ў Мінску Наталля Аўралева, старшы навуковы супрацоўнік Дома рускага замежжа імя А. Салжаніцына Павел Трыбунскі.
У рамках цырымоніі была арганізавана выстаўка кніг расійскіх выдавецтваў, а таксама адбыўся прагляд кінакарціны “Пасольства на Таганскім узгорку”. Фільм прадставіў да ўвагі гледачоў дакументальныя кадры, звязаныя з гісторыяй рускай палітычнай эміграцыі XX стагоддзя. Карціна, створаная ў 2005 годзе, была абноўлена да 15-гадовага юбілею Дома рускага замежжа.
Арганізатарамі мерапрыемства з’яўляюцца Нацыянальная бібліятэка Беларусі і Прадстаўніцтва Рассупрацоўніцтва ў Рэспубліцы Беларусь – Расійскі цэнтр навукі і культуры ў Мінску.
Тэлефоны для даведак: (8 017) 293 27 56, 293 79 80.
Е-mail: pr@nlb.by
 |
 |
 |
 |
 |
 |
