21 мая ў бібліятэцы адбыўся вебінар “Алічбоўка друкаваных дакументаў і рукапісаў з удзелам рэстаўратара”.
У вебінары ўзялі ўдзел спецыялісты рэспубліканскіх і абласных бібліятэк, а таксама прадстаўнікі архіваў нашай краіны.
У рамках мерапрыемства спецыялісты цэнтра алічбоўкі і забеспячэння захаванасці бібліятэчных дакументаў Нацыянальнай бібліятэкі Беларусі падзяліліся вопытам перакладу друкаваных бібліятэчных дакументаў рознай катэгорыі складанасці ў лічбавы фармат з выкарыстаннем рознага сканіруючага абсталявання, абмеркавалі пытанні забеспячэння захаванасці пашкоджаных бібліятэчных дакументаў, прадэманстравалі на практычных прыкладах спосабы прадлічбавальнай падрыхтоўкі папяровых дакументаў з удзелам рэстаўратара.
Дадзены вебінар стаў чарговым у цыкле адукацыйных практычных мерапрыемстваў у рамках метадычнай работы Нацыянальнай бібліятэкі Беларусі па забеспячэнні захаванасці бібліятэчных дакументаў.
Раней у бібліятэцы адбыліся вебінары:
- Кансервацыя папяровых дакументаў: сучасны стан, тэндэнцыі развіцця
- Выкананне работ па дробным рамонце дакументаў
Матэрыял пададзены цэнтрам алічбоўкі і забеспячэння захаванасці бібліятэчных дакументаў.
