19 верасня ў бібліятэцы прайшоў шэраг мерапрыемстваў у рамках форуму “Гістарычная, культурная і духоўная еднасць расійскага і беларускага народаў”, прымеркаванага да дзён расійскай духоўнай культуры.
Госці бібліятэкі наведалі круглыя сталы “Дастаеўскі як духоўны арыенцір рускага і беларускага народаў”, “Роля святога князя Аляксандра Неўскага ў гісторыі станаўлення братэрства народаў Расіі і Беларусі”, “Мова – душа народаў. Аб'ядноўваючая роля літаратуры і тэатра ў супрацоўніцтве Расіі і Беларусі”.
Да мерапрыемства былі падрыхтаваны выставы “Тэатральная памяць народа. Беларуская драматургія: Мінск – Масква. Па архівах РДБМ”, фотавыстава “Аляксандр Неўскі – Імя Расіі”, а таксама выстава, прысвечаная 200-годдзю з дня нараджэння Фёдара Дастаеўскага.
У працы круглага стала “Дастаеўскі як духоўны арыенцір рускага і беларускага народаў” прыняў удзел дырэктар Нацыянальнай бібліятэкі Беларусі Раман Матульскі.
Намеснік старшыні Камітэта Савета Федэрацыі па навуцы, адукацыі і культуры Віктар Смірноў перадаў у дар бібліятэцы пано з выявай будынка расійскага Савета Федэрацыі. Раман Сцяпанавіч падзякаваў сенатару за падарунак і адзначыў, што пано – каштоўны ўклад у калекцыю “алмаза ведаў”.
20 верасня адбылася дыскусійная пляцоўка “Зберажэнне агульнай гістарычнай памяці і духоўнай спадчыны Расіі і Беларусі”. Яе мадэратарам стаў Раман Матульскі.
У мерапрыемстве прынялі ўдзел намеснік дырэктара Нацыянальнай бібліятэкі Беларусі Аляксандр Суша, загадчык навукова-даследчага аддзела кнігазнаўства Анатоль Сцебурака, загадчыца навукова-даследчага аддзела бібліятэказнаўства Марына Пшыбытка, загадчыца аддзела рэстаўрацыі і кансервацыі бібліятэчных дакуметаў Дзіяна Муратава, загадчыца навукова-даследчага аддзела бібліяграфіі Ірына Градоўкіна, загадчыца інфармацыйна-аналітычнага аддзела Ніна Працько, загадчык аддзела фарміравання электроннай бібліятэкі Віктар Пшыбытка.
На пленарным паседжанні “Гістарычная, культурная і духоўная еднасць расійскага і беларускага народаў” Раман Матульскі выступіў з дакладам на тэму “Захаванне агульнай кніжнай спадчыны беларускага і расійскага народаў і фарміраванне адзінай сучаснай інфармацыйнай прасторы”.
Матэрыял прадастаўлены аддзелам сувязей з грамадскасцю.
