28 сакавіка на пляцоўцы Расійскага цэнтра навукі і культуры ў Мінску адбылося мерапрыемства Дзяржаўнага музея “Смаленская крэпасць”.
Самы малады расійскі федэральны музей прадставіў шэраг праектаў, у тым ліку міжнародны цыкл навуковых мерапрыемстваў “Смаленская крэпасць у артэфактах бібліятэк і архіваў Саюзнай дзяржавы”. Сустрэча была праведзена напярэдадні памятнай даты – Дня яднання народаў Беларусі і Расіі (2 красавіка).
Прысутных віталі Эдуард Феліксавіч Крусткалн, кіраўнік прадстаўніцтва Рассупрацоўніцтва ў Рэспубліцы Беларусь, і Сяргей Аляксандравіч Піляк, дырэктар Дзяржаўнага музея “Смаленская крэпасць”.
Супрацоўнікі музея распавялі аб праведзенай працы па абагульненні і вывучэнні рэдкіх і ўнікальных чарцяжоў і пісьмовых крыніц, якія раскрываюць старонкі гісторыі найбуйнейшай цаглянай крэпасці свету, культурнага і гістарычнага сімвала Саюзнай дзяржавы – Смаленскай крапасной сцяны. Значная частка гэтых матэрыялаў захоўваецца ў зборах Беларусі. Сумесная праца па іх даследаванні і публікацыі пашырае ўяўленне аб ўнікальнай спадчыне Смаленскай крэпасці.
На мерапрыемстве прысутнічалі прадстаўнікі Пасольства Расійскай Федэрацыі ў Рэспубліцы Беларусь, Прадстаўніцтва Рассупрацоўніцтва ў Рэспубліцы Беларусь, Нацыянальнай бібліятэкі Беларусі, Беларускага дзяржаўнага архіва навукова-тэхнічнай дакументацыі, Цэнтральнага навуковага архіва Нацыянальнай акадэміі навук Беларусі, Акадэміі кіравання пры Прэзідэнце Рэспублікі Беларусь, Інстытута гісторыі Нацыянальнай акадэміі навук Беларусі, студэнты Беларускага дзяржаўнага ўніверсітэта культуры і мастацтва.
У рамках сустрэчы былі дасягнуты дамоўленасці аб пашырэнні супрацоўніцтва ў сферах культуры, навукі і адукацыі.
Матэрыял пададзены аддзелам сувязей з грамадскасцю.