27 лістапада 2008 года Нацыянальная бібліятэка Беларусі ўзнагароджана Дыпломам пераможцы Рэспубліканскага конкурсу 2008 года “На лепшую арганізацыю дзейнасці ў галіне аўтарскага і сумежных правоў”.
Узнагароджанне адбылося ў межах рэспубліканскага семінара па аўтарскім праве і сумежных правах для кіраўнікоў і спецыялістаў дзяржаўных органаў, прадстаўнікоў устаноў навукі, адукацыі, культуры і мастацтва, аўтараў, карыстальнікаў і іншых зацікаўленых асоб.
Семінар арганізаваны Дзяржаўным камітэтам па навуцы і тэхналогіях, Нацыянальным цэнтрам інтэлектуальнай уласнасці ў межах рэалізацыі зацверджанай Урадам Дзяржаўнай праграмы па ахове інтэлектуальнай уласнасці на 2008 – 2010 гады. Мерапрыемства праходзіць 27-28 лістапада 2008 года ў Рэспубліканскім культурна-асветніцкім цэнтры.
