17 красавіка супрацоўнікі Нацыянальнай бібліятэкі прымаюць актыўны ўдзел у рэспубліканскім суботніку.
Дружны калектыў наводзіць парадак пасля доўгай зімы: выкідае смецце, добраўпарадкоўвае ўнутраныя дворыкі, клумбы, балконы і адкрытую аглядную пляцоўку. Няхай дагледжаныя газоны і кветнікі радуюць вока не толькі гараджан, але і чытачоў бібліятэкі!
Унутры будынка таксама кіпіць праца: ідзе ўборка на рабочых месцах і ў службовых памяшканнях, а ў чытальных залах і вышынным кнігасховішчы праводзяць абяспыльванне фондаў, праціраюць стэлажы і мэблю, у холах і калідорах – парэнчы і храміраваныя элементы інтэр’ера.
Добрая вясновая традыцыя не толькі яднае людзей, але і робіць свет вакол нас больш чыстым.
Матэрыял пададзены аддзелам сувязей з грамадскасцю.
