З 26 па 29 красавіка Нацыянальная бібліятэка Беларусі бярэ ўдзел у XVIII Міжнароднай спецыялізаванай выстаўцы па тэлекамунікацыях, інфармацыйных і банкаўскіх тэхналогіях “ТІБО-2011”.
Па маштабе экспазіцый, саставе ўдзельнікаў, колькасці наведвальнікаў і ўвазе з боку СМІ форум “ТІБО” па-ранейшаму з’яўляецца лідарам сярод выставачных мерапрыемстваў у Рэспубліцы Беларусь. Выстаўка разлічана на шырокі круг зацікаўленых асоб, як прафесіяналаў, так і радавых карыстальнікаў.
На стэндзе Нацыянальнай бібліятэкі Беларусі прадстаўлены інфармацыйныя рэсурсы і паслугі бібліятэкі – “Віртуальная чытальная зала”, інтэрнэт-партал, "Электронны архіў нацыянальнай перыёдыкі", паслугі ў рэжыме online, рэкламныя паслугі бібліятэкі і інш. Наведвальнікі маюць магчымасць азнаёміцца з выдавецкай, паліграфічнай дзейнасцю і разнастайнай інфармацыйнай прадукцыяй.