ГалоўнаяНавіныНавіны Нацыянальнай бібліятэкі Беларусі
Бібліятэка стала пераможцай нацыянальнага конкурсу “Мастацтва кнігі”
Красна хата кутамі

Нацыянальная бібліятэка Беларусі на ХХVI ММКВК: дзень трэці

Нацыянальная бібліятэка Беларусі на ХХVI ММКВК: дзень трэці
Іншыя навіны

8 лютага ў рамках ХХVI Мінскай міжнароднай кніжнай выстаўкі-кірмашу Нацыянальная бібліятэка Беларусі правяла прэзентацыю “Беларусь у інфармацыйнай прасторы”.

Бібліятэка прадставіла тэматычны вэб-сайт, дзе сабраны спасылкі на самыя аўтарытэтныя інтэрнэт-рэсурсы і электронныя калекцыі, створаныя ўстановамі адукацыі, навукі і культуры Беларусі. Праект рэалізаваны на трох мовах: беларускай, рускай і англійскай.

Загадчыца аддзела карпаратыўнага ўзаемадзеяння Нацыянальнай бібліятэкі Беларусі Марына Рудакоўская адзначыла, што мэта рэсурсу – не толькі прадставіць яркую інфармацыйную палітру сучаснай Беларусі, але галоўным чынам дапамагчы зарыентавацца ў шматлікіх анлайн-рэсурсах, атрымаць аўтарытэтную і праўдзівую інфармацыю пра нашу краіну праз адзіную кропку доступу.

Стэнд Нацыянальнай бібліятэкі Беларусі ў дні правядзення міжнароднай выстаўкі-кірмашу наведалі міністр інфармацыі Рэспублікі Беларусь Аляксандр Карлюкевіч, намеснік міністра інфармацыі Рэспублікі Беларусь Ігар Бузоўскі, дзяржаўны сакратар Саюзнай дзяржавы Рыгор Рапота, намеснік кіраўніка Адміністрацыі Прэзідэнта Рэспублікі Беларусь Уладзімір Жаўняк, спецыяльны прадстаўнік прэзідэнта Расійскай Федэрацыі па міжнародным і культурным супрацоўніцтве Міхаіл Швыдкой, старшыня Саюза пісьменнікаў Беларусі Мікалай Чаргінец, намеснік кіраўніка Федэральнага агенцтва па друку і масавых камунікацыях Расійскай Федэрацыі Уладзімір Грыгор'еў, сакратар СНД Віктар Гумінскі, дырэктар Прэзідэнцкай бібліятэкі Рэспублікі Беларусь Сяргей Квачан, лаўрэат прэміі Прэзідэнта Рэспублікі Беларусь "За духоўнае адраджэнне", беларускі гісторык і калекцыянер Уладзімір Ліхадзедаў, прадстаўнікі сродкаў масавай інфармацыі, госці і жыхары сталіцы.

Спяшайцеся пабачыць! Да дня завяршэння кніжнага фестывалю на стэндзе Нацыянальнай бібліятэкі Беларусі можна азнаёміцца ​​з экспазіцыяй “Беларускі буквар: чатыры стагоддзі гісторыі”. Наведвальнікам выстаўкі даецца магчымасць даведацца, якімі былі дапаможнікі для пачатковага навучання грамаце ў розныя эпохі, пачынаючы з XVI стагоддзя па сённяшні час.

Матэрыял прадастаўлены аддзелам сувязей з грамадскасцю.

Чытайце таксама, якія праекты прадставіла Нацыянальная бібліятэка Беларусі на ХХVI Мінскай міжнароднай кніжнай выстаўцы-кірмашы ў першы і другі дзень.

Каментарыі карыстальнікаў:

Каментаванне даступна толькі зарэгістраваным карыстальнікам

Навіны

Каб не стаць ныздарамі

16 Лют 2019

А я кажу вам, шо кaжон, хто гнiвайіцьця на свогo брaта напрaсно, той мaе йты пуд суд. А хто скaжэ на брaта свого “ныздaра”, тогo мaе суды'ты высoкый суд, а як хто скaжэ“бызрозyмный” – то мaе попaсты в огoнь пыкэ'лный. Гэта радкі з Евангелля, якое пераклаў на заходнепалескую гаворку навуковец і дыялектолаг Фёдар Клімчук, які пакінуў нас у мінулы кастрычнік. Зусім трохі не дажыўшы да прэзентацыі выдання, якая з аншлагам прайшла ў Мінску 23 студзеня.

Навіны бібліятэк

Родная мова – душа народа

15 Лют 2019

З 15 лютага па 17 сакавіка ў зале дакументаў міжнародных арганізацый (пам. 207g) адкрыта тэматычная выстаўка  “Родная мова – душа народа”, прысвечаная Міжнароднаму дню роднай мовы.

Кніжныя выстаўкі

“Сумуем па сваіх Пенелопах”: беларускія класікі – каханым

14 Лют 2019

Пра што Максім Танк пісаў жонцы са штаб-кватэры ААН? Як Францішка Уршуля Радзівіл называла мужа? Хто быў галоўным чытачом Якуба Коласа? У Дзень усіх закаханых прапануем пазнаёміцца з лістамі вядомых беларускіх пісьменнікаў.

Навіны Нацыянальнай бібліятэкі Беларусі

Падведзены вынікі рэспубліканскага конкурсу «Мастацтва кнігі»

14 Лют 2019

У апошнія дні работы ХХVІ Мінскай міжнароднай кніжнай выстаўкі былі падведзены вынікі рэспубліканскага конкурсу «Мастацтва кнігі». За галоўныя ўзнагароды ў 14 намінацыях пазмагаліся 158 выданняў ад 40 устаноў. У выніку галоўны прыз – у намінацыі «Трыумф» – атрымаў «Вялікі гістарычны атлас Беларусі», выпушчаны ў 4-х тамах «Белкартаграфіяй» Дзяржаўнага камітэта па маёмасці. І гэта нагода для гонару.

Навіны бібліятэк

Прэзентацыя факсімільнага выдання першага "Буквара" ў Брэсце

18 Сне 2018

17 снежня 2018 г. у Брэсцкай абласной бібліятэцы імя М. Горкага адбылася прэзентацыя факсімільнага выдання першага “Буквара”. Кніга была выдадзена ў 1618 годзе ў друкарні Віленскага праваслаўнага брацтва Святога Духа ў Еўі. Па наяўных сведках у свеце захаваліся толькі два асобнікі выдання.

Навіны бібліятэк