28 лютага − 4 сакавіка Нацыянальная бібліятэка Беларусі прадставіць насычаную праграму на Мінскай міжнароднай кніжнай выстаўцы-кірмашы: прэзентацыі, заняткі для дзяцей, унікальныя кніжныя экспанаты.
Запрашаем 28 лютага ў 15:15 на цэнтральную пляцоўку Нацыянальнага стэнда Беларусі, дзе адбудзецца прэзентацыя “500 год беларускага кнігадрукавання: вынікі і дасягненні” з удзелам дырэктара Нацыянальнай бібліятэкі Беларусі Рамана Матульскага.
Расказваем і паказваем: асноўныя падзеі з моманту запуску праекта па факсімільным ўзнаўленні кніжнай спадчыны Францыска Скарыны да атрымання за яго паспяховую рэалізацыю вышэйшай узнагароды − прэміі Прэзідэнта Рэспублікі Беларусь “За духоўнае адраджэнне”.
Разам прыгадаем важныя вехі пяцігадовай гісторыі міжнароднага праекта: Дні беларускага пісьменства, XXIV Міжнародная кніжная выстаўка-кірмаш, “Кніжная спадчына Францыска Скарыны на Беларусі”, адукацыйны праект для дзяцей “У госці да кніг”, прэзентацыі “Кніжнай спадчыны Францыска Скарыны” ў Арганізацыі Аб’яднаных Нацый, Ватыкане і розных краінах свету, міжнародны кангрэс “500 гадоў беларускага кнігадрукавання”, міжнародная выстаўка “Францыск Скарына і яго эпоха” і іншыя знакавыя падзеі.
Месца сустрэчы: адміністратыўны комплекс на праспекце Пераможцаў, 14.
Тэлефоны для даведак: (8 017) 293 28 81, 293 28 23.
Далучайцеся і адзначайце самы маштабны кніжны фестываль разам з намі!