21 красавіка, напярэдадні Сусветнага дня кнігі і аўтарскага права, Нацыянальная бібліятэка правяла комплекс мерапрыемстваў: адукацыйны семінар і культурна-асветніцкую акцыю “Майстры беларускай культуры. Эдуард Зарыцкі”.
Адукацыйны семінар “Прававыя аспекты дзейнасці бібліятэкі ў лічбавым асяроддзі” арганізаваны сумесна з Нацыянальным цэнтрам інтэлектуальнай уласнасці. На ім былі раскрыты агульныя пытанні аўтарскага права , асаблівасці выкарыстання аб’ектаў аўтарскага права, прававыя аспекты стварэння электронных бібліятэк, сайтаў арганізацый.
На семінары выступілі: генеральны дырэктар Нацыянальнай бібліятэкі Беларусі Раман Сцяпанавіч Матульскі, генеральны дырэктар Нацыянальнага цэнтра інтэлектуальнай уласнасці Уладзімір Анатольевіч Рабаволаў, начальнік аддзела заканадаўства ў сферы аўтарскага і сумежных праў упраўлення прававога і кадравага забеспячэння Нацыянальнага цэнтра інтэлектуальнай уласнасці Кацярына Уладзіміраўна Янцікава, спецыяліст аддзела вялікіх праў і камп’ютарных праграм кіравання аўтарскага і сумежных праў Нацыянальнага цэнтра інтэлектуальнай уласнасці Дзмітрый Уладзіміравіч Камінскі, намеснік дэкана па вучэбнай рабоце юрыдычнага факультэта Беларускага дзяржаўнага ўніверсітэта Дыяна Уладзіміраўна Іванова.
У семінары ўзялі ўдзел больш за 50 прадстаўнікоў сферы культуры, навукі і адукацыі. Адбылася цікавая дыскусія па пытаннях стварэння і выкарыстання электронных інфармацыйных рэсурсаў бібліятэкамі.
Матэрыял пададзены аддзелам фарміравання электроннай бібліятэкі.