17 мая ў дзіцячым пакоі Нацыянальнай бібліятэкі Беларусі прайшло мерапрыемства “Наша дружная сям'я”, прысвечанае Міжнароднаму дню сям'і.
Дзеці вучыліся праяўляць клопат і ўвагу адзін да аднаго, прымаючы ўдзел ў конкурсах і гульнях “Што нам варта дом пабудаваць”, “Шакаладка”, “Дружна, разам!”.
У конкурсе “Чарадзейная скрыначка” хлопчыкі і дзяўчынкі ўспомнілі самыя добрыя і ласкавыя словы, расказваючы пра сваю сям’ю.
Кожны ўдзельнік мерапрыемства атрымаў у падарунак шарык-планету з дружнымі жыхарамі і зробленую сваімі рукамі кветачку-сямікветачку з пялёсткаў “сямейнага шчасця”.