29 сакавіка а 17-й гадзіне ў галерэі “Лабірынт” адбудзецца канцэрт-прэзентацыя серыі нотных выданняў “Музычная спадчына Рэчы Паспалітай з Расійскай нацыянальнай бібліятэкі”.
Арганізатары мерапрыемства – Нацыянальная бібліятэка Беларусі і выдавецтва “Чатыры чвэрці”.
Серыя нотных выданняў заснавана ў 2008 годзе кампазітарам і даследчыкам, дацэнтам Беларускага дзяржаўнага ўніверсітэта культуры і мастацтваў Яўгенам Паплаўскім. На сённяшні дзень выйшла 10 сшыткаў.
Выпуск серыі “Музычная спадчына Рэчы Паспалітай з Расійскай нацыянальнай бібліятэкі” – гэта магчымасць пазнаёміць усіх зацікаўленых з музычнай культурай Рэчы Паспалітай XVII–XIX стст., дакрануцца да цікавейшага помніка культуры XVII ст. – пачатку XVIIІ ст. “Давыдкаўскаму ірмалагіёну», нанава адкрыць творы кампазітараў Антона Абрамовіча, Напалеона Орды, Фларыяна Міладоўскага, Юзэфа Ігнацы і Каятана Крашэўскіх, Кастуся Горскага, Аляксандра і Міхася Ельскіх.
Тэлефон для даведак: 293-27-67.
Е-mail: pr@nlb.by
