Запрашаем школьнікаў 1–11 класаў на музейныя заняткі на міжнароднай выстаўцы “Францыск Скарына і яго эпоха”.
Выстаўка з’яўляецца яркай падзеяй у рамках святкавання 500-годдзя беларускай друкаванай кнігі і адлюстроўвае значнасць спадчыны Ф. Скарыны, яго папярэднікаў і паслядоўнікаў у нацыянальным і еўрапейскім маштабе.
Гэта выдатная магчымасць на ўласныя вочы ўбачыць артэфакты, пра якія школьнікі чытаюць у падручніках: каштоўныя кніжныя помнікі, створаныя нашымі продкамі за 500 гадоў кнігадруку, а таксама лепшыя сусветныя ўзоры кніжнай справы ад часоў Ёгана Гутэнберга да нашых дзён. Але падручнікі няхай дзеткі пакідаюць дома, таму што пазнанне разнастайнасці кніжнай культуры будзе адбывацца ў даступнай і займальнай форме праз дыялог, гульні і творчасць.
Працягласць заняткаў – 60 хвілін.
Варыянт 1 (экспрэс-курс):
“Францыск Скарына і яго эпоха” (кошт з матэрыяламі для творчага задання – 6.50 бел. руб., дзеці са шматдзетных сем’яў – 4.50 бел. руб.).
Варыянт 2 (падрабязнае азнаямленне за трое заняткаў):
“Ёган Гутэнберг і пачатак еўрапейскага кнігадрукавання” (6.00 / 4.00 бел. руб.);
“Францыск Скарына – беларускі першадрукар” (6.50 / 4.50 бел. руб.);
“Беларускае кнігадрукаванне XVI–XVIII стагоддзяў” (6.00 / 4.00 бел. руб.).
Кантактная інфармацыя:
Таццяна Андрэеўна Сапега, каардынатар праграмы,
тэлефоны: (8 017) 293 27 82, (8 025) 994 21 12.
