ГалоўнаяНавіныНавіны Нацыянальнай бібліятэкі Беларусі
Каб зацікавіць падлеткаў чытаннем і размаўляць з імі на складаныя тэмы – беларуска запусціла літаратурны анлайн-праект
Заняткі “Беларуская крама з цытатамі”

Музейныя заняткі “Кніжныя аправы”

Музейныя заняткі “Кніжныя аправы”
Іншыя навіны

20, 24 і 25 лістапада ў музеі кнігі адбыліся заняткі “Кніжныя аправы”. Удзельнікі “Клуба кніжных прафесараў” мелі магчымасць убачыць сапраўдныя помнікі кніжнага мастацтва – кнігі XVI–XX стагоддзяў з унікальнымі аправамі.

Дзеткі вучыліся “чытаць” аправы старадрукаваных і рэдкіх выданняў, а затым самі стваралі і афармлялі аправы кніг з улікам гістарычных традыцый.

Кніжная аправа складаецца з мноства дэталяў і выконвае не толькі ахоўную функцыю, але таксама з’яўляецца элементам афармлення кнігі. Мастацтва кніжнага пераплёту існуе столькі, колькі сама кніга. Асаблівай раскошай адрозніваліся бібліяфільскія аправы, зробленыя па замове багатых збіральнікаў.

Матэрыялы, з якіх выраблялася аправа, былі разнастайныя. Для акладаў кніг, якія часта станавіліся сапраўднымі шэдэўрамі ювелірнага мастацтва, выкарыстоўвалі золата, срэбра, плаціну, шматкаляровыя эмалі, слановую костку, каштоўныя камяні, жэмчуг.

Вечкі (крышкі) пераплёту вырабляліся з дрэва альбо кардону. Потым яны маглі абцягвацца шоўкам, аксамітам і ўпрыгожвацца вышыўкай. Найчасцей вокладку рабілі з пергаменту – адмыслова апрацаванай скуры цялят, свіней альбо коз, – пакідаючы натуральнае адценне або афарбоўваючы ў чырвоны, сіні, карычневы, зялёны і іншыя колеры.

Для XVII–XVIII стагоддзяў характэрна філіграннае цісненне, асабліва прыгожа выглядае “карункавае”, якое набыло шырокую папулярнасць ў французскіх пераплётах. Вельмі цэняцца пераплёты, на якіх пазначана імя майстра, што дапамагае дакладна вызначыць час і месца вырабу кнігі.

Нават абрэзы выданняў былі аб'ектам дэкаратыўных вынаходстваў: іх залацілі, часам наносілі назву кнігі альбо аздаблялі маляўнічымі мініяцюрамі. Уражваюць таксама форзацы з каляровай паперы, тканіны і іншых матэрыялаў.

Удзельнікі заняткаў стваралі свае кніжкі і “апраналі” іх – упрыгожвалі аправы цісненнем, бардзюрамі і экслібрысамі.

Матэрыял падтрыхтаваны навукова-даследчым аддзелам кнігазнаўства.


Навіны

Знаёмыя і малавядомыя старонкі творчасці Агінскага

15 Ліс 2019

Дзяржаўны дзеяч, палітык, дыпламат і кампазітар. Міхал Клеафас Агінскі – імя, якое ведае кожны, а яго паланэз “Развітанне з Радзімай” з’яўляецца найбольш вядомым музычным творам. Аднак не многія ведаюць, што кампазітарам было напісана больш за 70 твораў, сярод якіх оперы, вальсы і мазуркі.

Навіны Нацыянальнай бібліятэкі Беларусі

Нацыянальная бібліятэка Беларусі на адной з галоўных у свеце дыскусійных пляцовак

15 Ліс 2019

Дырэктар Нацыянальнай бібліятэкі Беларусі Раман Матульскі прыняў удзел у рабоце VIII Санкт-Пецярбургскага міжнароднага культурнага форуму, які праходзіць з 14 па 16 лістапада 2019 г. i прысвечаны тэме культурных кодаў ва ўмовах глабалізацыі. Штогод Форум прыцягвае тысячы экспертаў і гасцей з усяго свету.

Навіны Нацыянальнай бібліятэкі Беларусі

Супрацоўнікі бібліятэкі сустрэліся з кіраўніком адміністрацыі Першамайскага раёна

14 Ліс 2019

14 лістапада ў Нацыянальнай бібліятэцы Беларусі прайшла сустрэча працоўнага калектыву з кіраўніком адміністрацыі Першамайскага раёна Ігарам Кудрэвічам.

Навіны Нацыянальнай бібліятэкі Беларусі

XVIII Міжнародная канферэнцыя “Развіццё інфарматызацыі і дзяржаўнай сістэмы навукова-тэхнічнай інфармацыі”

14 Ліс 2019

У Аб’яднаным інстытуце праблем інфарматыкі НАН Беларусі 21 лістапада 2019 года пройдзе XVIII Міжнародная канферэнцыя “Развіццё інфарматызацыі і дзяржаўнай сістэмы навукова-тэхнічнай інфармацыі (РІНТІ–2019)”.

Навіны бібліятэк

Валерый Славук прапануе чытаць Макса Фрая

14 Ліс 2019

У лістападзе прыхільнікаў графікі і ў прыватнасці творчасці Валерыя Славука парадавала з’яўленне новай серыі кніг – “Палац мастацтва” (і гэта невыпадкова, бо ўсе мастакі, творчасць якіх будзе адлюстравана на яе старонках, неаднаразова выстаўляліся ў галоўным храме мастацтва Беларусі).

Аўтарскі погляд

111