15 і 16 снежня ў “Клубе кніжных прафесараў” адбыліся заняткі па тэме “Формы і матэрыялы кнігі”.
Дзеці пазнаёміліся з асноўнымі формамі кнігі, а таксама з матэрыяламі, якія раней выкарыстоўваліся для пісьма. “Кніжныя прафесары” засвоілі асноўныя тэрмiны тэмы: рукапіс, манускрыпт, папірус, пергамент, скрутак, кодэкс, скрыпторый, пратограф і іншыя.
Маленькім удзельнікам важна было зразумець, што ў старажытныя часы кніга была зусім не падобная да сучаснай. Напрыклад, кітайскія кнігі ствараліся на бамбукавых планачках, якія звязваліся паміж сабой вяроўкай. Адна драўляная дошчачка лічылася старонкай кнігі. Для стварэння кнігі-скрутка часам патрабавалася да некалькіх тысяч бамбукавых планачак. Кнігі з бамбуку – адна з найважнейшых вех кітайскай пісьменнасці і культуры ў цэлым.
Для замацавання тэорыі наведвальнікі музейных заняткаў разам з бацькамі выканалі творчае заданне – паспрабавалі самі стварыць “бамбукавыя кнігі”.