30 студзеня ўмузеі кнігі адбыліся заняткі “Факсіміле”. Ці могуць быць копіі кніжных помнікаў цікавымі? Яшчэ як! Стварэнне факсіміле – гэта мастацтва і майстэрства!
Факсіміле – копія кніжнага помніка, якая максімальна паўтарае арыгінал, – можа быць яго “двайніком” і дакладна адпавядаць арыгіналу па памеры, фактуры, колеры, тэхніцы стварэння, а можа, хоць і ў іншым маштабе ці іншай тэхніцы, усё ж даваць уяўленне пра арыгінальны прадмет. Факсімільныя выданні часта ствараюцца абмежаваным тыражом і самі адносяцца да бібліяграфічных рарытэтаў.
У музеі кнігі юныя даследчыкі ўбачылі і пагарталі шматлікія беларускія і замежныя факсімільныя выданні і прыйшлі да высновы, што часам копію ў экспазіцыі вельмі лёгка прыняць за арыгінал.
Удзельнікі заняткаў паспрабавалі стварыць копію старонкі з Бібліі Гутэнберга.
Матэрыял пададзены навукова-даследчым аддзелам кнігазнаўства.
