27 лютага ў межах праекта “Клуб кніжных прафесараў” адбыліся заняткі, прысвечаныя знакамітаму мастаку Напалеону Ордзе.
Экспертам выступіў вядомы кнігазнаўца і культуролаг Алесь Суша, які расказаў шмат цікавага аб жыццёвым і творчым шляху Напалеона Орды.
На занятках адбылася прэзентацыя кніжнай навінкі – унікальнага альбома “Напалеон Орда”. У альбоме прадстаўлены 190 гравюр з фонду Нацыянальнай бібліятэкі Беларусі.
Наведвальнікі таксама ўбачылі арыгінальныя літаграфіі з фонду бібліятэкі, створаныя па малюнках мастака ў 1873–1883 гадах. Эксперт падкрэсліў, што гэтыя выявы архітэктурных помнікаў, відаў сядзіб і гарадоў застаюцца адной з найбольш каштоўных візуальных крыніц па нацыянальнай гісторыі.
На музейных занятках кожны з дзяцей меў магчымасць пабываць у ролі мастака і намаляваць архітэктурныя помнікі, як беларускі Напалеон.
Матэрыял падрыхтаваны навукова-даследчым аддзелам кнігазнаўства.
