18 студзеня ў межах мерапрыемстваў “Клуба кніжных прафесараў” адбыліся заняткі “Папяровыя цуды”.
Дзеці даведаліся, калі і дзе была вынайдзена папера, у якой краіне Еўропы з'явіліся першыя майстэрні па вырабе паперы, якой была старажытная тэхналогія вырабу паперы і чаму паперні будавалі каля рэк.
Удзельнікі мелі магчымасць даследаваць паперу кнігі, выдадзенай ў Нясвіжы ў XVIII ст., убачыць філіграні і даведацца, што яны абазначаюць.
У якасці творчага задання дзецям было прапанавана зрабіць сваімі рукамі сапраўдны папяровы цуд – мініяцюрную кнігу.
Наступныя заняткі “Клуба кніжных прафесараў” адбудуцца 26 студзеня.
Матэрыял прадастаўлены навукова-даследчым аддзелам кнігазнаўства.
