28 лістапада ў дзіцячым пакоі прайшлі заняткі “Мультчытайка” па казцы Л. Кэрала “Аліса ў краіне цудаў”.
Дзеці з цікавасцю прачыталі ўрыўкі з казкі пра прыгоды маленькай дзяўчынкі Алісы ў краіне гаворачых жывёл і ажыўшых рэчаў. Вобразы незвычайных герояў, чароўнага Труса і ўсмешлівага Чэшырскага ката, сталі яшчэ больш зразумелыя пасля прагляду мультфільма.
Пасля знаёмства з персанажамі казкі дзеці з лёгкасцю адказалі на пытанні гульняў “Працягні выраз”, “Гульня слоў” і намалявалі героя, які спадабаўся больш за ўсіх.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.