22 студзеня ў Нацыянальнай бібліятэцы Беларусі ладзіўся творчы вечар паэта, празаіка, публіцыста, грамадскага дзеяча Навума Гальпяровіча “Мой шлях памысны і высокі”.
Пісьменнік узнагароджаны медалём Францыска Скарыны, з’яўляецца лаўрэатам шматлікіх літаратурных прэмій, носіць высокае званне заслужанага журналіста Беларускага саюза журналістаў. Навум Якаўлевіч – ганаровы грамадзянін Наваполацка.
Павіншаваць юбіляра, які адзначыў сваё 65-годдзе, прыйшлі намеснік міністра культуры Рэспублікі Беларусь Тадвэуш Стружэцкі, беларускі літаратуравед, крытык, публіцыст, доктар філалагічных навук, прафесар Адам Мальдзіс, дыктары Белтэлерадыёкампаніі, артысты Алег Вінярскі і Маргарыта Захарыя, актрыса, дырэктар і мастацкі кіраўнік тэатра “Зніч” Галіна Дзягілева, алімпійскі чэмпіён па кіданні молата Вадзім Дзевятоўскі і інш.
Сярод гасцей Навума Гальпяровіча былі вядомыя пісьменнікі, мастакі, кампазітары, дзяржаўныя і грамадскія дзеячы, яго блізкія сябры і паплечнікі.
На творчым вечары прагучалі вершы, урыўкі з апавяданняў і эсэ юбіляра ў яго выкананні і выкананні знакамітых артыстаў. Песні на словы Навума Гальпяровіча выканаў іх аўтар Аляксей Нежавец.
 |
 |
 |
 |
 |
 |
