15 лютага ў дзіцячым пакоі бібліятэкі прайшло літаратурнае чытанне для малодшых школьнікаў, прысвечанае святу ўсіх татаў, якое ў хуткім часе мае адбыцца.
Цікавым адкрыццём для дзяцей стала знаёмства з аповесцю “Мой добрый папа” дзіцячага пісьменніка Віктара Галяўкіна.
Расказ у аповесці вядзецца ад асобы сямігадовага хлопчыка, які распавядае з любоўю пра свайго тату. Рабяты змаглі акунуцца ў атмасферу таго часу, праслухоўваючы ўрыўкі з аўдыякнігі “Мой добрый папа”.
Паглядзеўшы ўрыўкі з аднайменнага мастацкага фільма, дзеці змаглі ўбачыць галоўных герояў і зразумець, ці такімі яны іх сабе ўяўлялі.
Узняць настрой і выклікаць усмешкі ў дзяцей дапамаглі вясёлыя вершы і музыка, а таксама намаляваныя яркія, рознакаляровыя гальштукі для сваіх любімых татаў.