Дырэктар НББ Р.С. Матульскі прыняў удзел у рабоце міжнароднага рэгіянальнага семінара "Установление партнерских отношений с библиотеками Содружества Независимых государств" (Санкт-Пецярбург, 17-20 чэрвеня 2008 г.).
У рабоце семінара, арганізаванага бібліятэкай ААН імя Дага Хамаршэльда і Санкт-Пецярбургскім універсітэтам, удзельнічалі кіраўнікі нацыянальных бібліятэк усіх краін СНД, а таксама прадстаўнікі інфармацыйных цэнтраў ААН у Маскве і Санкт-Пецярбургу.
Мэта семінара – аказанне дапамогі і падтрымкі дэпазітарным бібліятэкам ААН і нацыянальным бібліятэкам краін-членаў СНД у іх эвалюцыі ад традыцыйных сховішчаў дакументаў да цэнтраў распаўсюджвання ведаў у XXI стагоддзі.
Выступленне Р.С. Матульскага было прысвечана дзейнасці НББ як найбуйнейшага інфармацыйнага цэнтра і як асноўнага афіцыйнага дэпазітарыя дакументаў ААН і іншых міжнародных арганізацый у Беларусі. Сёння фонд дэпазітарыя налічвае каля 167 тыс. дакументаў. Акрамя таго, дырэктар унёс прапановы па ўдасканаленні фарміравання дэпазітарных фондаў і паляпшэнні якасці абслугоўвання карыстальнікаў дакументамі ААН у бібліятэках краін СНД.
У Расійскай Нацыянальнай бібліятэцы адбылася цырымонія падпісання дагавору аб супрацоўніцтве паміж Нацыянальнай бібліятэкай Беларусі і РНБ, у якой прынялі ўдзел дырэктара нацыянальных бібліятэк краін СНД.
 |
 |
 |
