Пераможцай у намінацыі “Паэзія” стала бібліятэкар аддзела абслугоўвання спецыялізаванымі фондамі Вольга Мікалаеўна Кардаш.
30 чэрвеня ў Нацыянальнай бібліятэцы адбылося ўрачыстае ўзнагароджанне пераможцаў міжнароднага літаратурнага конкурсу "Достигают счастья лишь в пути…", прысвечанага 80-годдзю з дня нараджэння генія рускай паэзіі Мікалая Рубцова.
Ініцыятарам конкурсу выступіла ваенна-мастацкая студыя пісьменнікаў Культурнага цэнтра Узброеных сіл Расійскай Федэрацыі і Інстытута кіравання г. Архангельска. Работы былі прадстаўлены ў наступных намінацыях: паэзія, проза, публіцыстыка і навукова-даследчая работа.
"Ужо чатыры гады запар праходзіць міжнародны літаратурны конкурс, мэтай якога з’яўляецца пошук і падтрымка таленавітых аўтараў, – расказаў прарэктар па міжнародных, міжрэгіянальных адносінах і сувязях з грамадскасцю Інстытута кіравання Міхаіл Паўлавіч Собалеў. – Летась ён быў прымеркаваны да 70-годдзя Вялікай Перамогі, а ў гэтым – прысвечаны юбілею Мікалая Рубцова".
Прыемна адзначыць, што сёлета ўпершыню супрацоўнікі Нацыянальнай бібліятэкі Беларусі прынялі ўдзел у конкурсе і адразу паказалі высокі старт. Ад усёй душы віншуем Вольгу Мікалаеўну Кардаш з перамогай, зычым моцнага здароўя, творчага натхнення і новых поспехаў на літаратурнай ніве!
Тэлефон для даведак: (8 017) 293 27 56.
Е-mail: pr@nlb.by
 |
 |
 |
 |
