1 чэрвеня аддзел экскурсійна-метадычнай работы запрасіў у бібліятэку выхаванцаў з Рудзенскай дапаможнай школы-інтэрната для дзяцей-сірот і дзяцей, пакінутых без апекі бацькоў, у бібліятэку.
У першы дзень лета ва ўсіх краінах святкуюць Міжнародны дзень абароны дзяцей.
У гэты дзень усё чалавецтва мае добрую падставу яшчэ раз выказаць дзецям сваю любоў і падтрымку. Таму вельмі важнымі з’яўляюцца прымеркаваныя да свята дабрачынныя мерапрыемствы для дзяцей з абмежаванымі магчымасцямі, а таксама сірот і хлопчыкаў і дзяўчынак, пакінутых без апекі бацькоў.
Для гасцей са школы-інтэрната была падрыхтавана спецыяльная праграма, падчас якой юныя экскурсанты не толькі пазнаёміліся са структурай і функцыямі Нацыянальнай бібліятэкі, але і прынялі ўдзел у вырабе постара, прысвечанага святу.
Прыемнымі нечаканасцямі для дзяцей сталі прагляд цікавых мультфільмаў і наведванне агляднай пляцоўкі, на якой экскурсавод уручыла гасцям памятныя сувеніры.