28–29 кастрычніка ў г. Арол (Расійская Федэрацыя) праходзіць Міжнародная навукова-практычная канферэнцыя “XVIII Дзянісьеўскія чытанні”, арганізатарамі якой з’яўляюцца Арлоўская абласная навуковая ўніверсальная публічная бібліятэка імя І.А. Буніна і Арлоўскі дзяржаўны інстытут культуры. Канферэнцыя праводзіцца ў рамках мерапрыемстваў да Года навукі і тэхналогій у Расійскай Федэрацыі.
Сёння ў працы пленарнага пасяджэння канферэнцыі ўзяла ўдзел Марына Рудакоўская, загадчыца аддзела карпаратыўнага ўзаемадзеяння Нацыянальнай бібліятэкі Беларусі, з дакладам “Рэсурсы віртуальнай чытальнай залы Нацыянальнай бібліятэкі Беларусі ў інфармацыйным забеспячэнні рэгіянальных гісторыка-культурных і бібліятэчных даследаванняў”. Слухачы канферэнцыі высока ацанілі працу Нацыянальнай бібліятэкі і публічных бібліятэк Беларусі па фарміраванні беларусазнаўчага і краязнаўчага кантэнту рэсурсаў віртуальнай чытальнай залы.
Дзякуем арганізатарам канферэнцыі за запрашэнне да ўдзелу і выказваем надзею, што інфармацыйныя рэсурсы віртуальнай чытальнай залы натхняць навукоўцаў на новыя адкрыцці і паслужаць якаснай рэсурснай базай для інфармацыйнага забеспячэння гісторыка-культурных даследаванняў у нашых краінах.
Матэрыял пададзены аддзелам карпаратыўнага ўзаемадзеяння.
