Цёплая сонечная восень – ідэальная нагода, каб наведаць аглядную пляцоўку Нацыянальнай бібліятэкі Беларусі.
З вышыні больш чым 73 метры адкрываецца цудоўны від на Мінск. Асаблівасць пляцоўкі ў тым, што сталіцу можна разгледзець з усіх бакоў. Варта падняцца на панарамным ліфце на 23-ці паверх – і перад вамі адкрываецца прыгожая панарама ландшафту паркавай зоны Сляпянскай воднай сістэмы. Госці могуць палюбавацца восеньскімі гарадскімі краявідамі, праспектам Незалежнасці, а таксама храмам-помнікам у гонар Усіх Святых.
Акрамя таго, на пляцоўцы ўстаноўлены спецыяльныя біноклі, праз якія можна аглядаць наваколле.
Аглядная пляцоўка Нацыянальнай бібліятэкі Беларусі працуе штодня з 12.00 да 23.00.
Глядзіце сюжэт канала “Беларусь 1” "Мінск з вышыні птушынага палёту".
