27 кастрычніка ў Магілёўскай абласной бібліятэцы імя У.І.Леніна адбыўся семінар “Маркетынг у сучаснай бібліятэцы: новыя магчымасці і тэхналогіі” для кіраўнікоў і спецыялістаў раённых і гарадскіх цэнтральных бібліятэк Магілёўскай вобласці.
Нацыянальную бібліятэку ў анлайн-рэжыме на мерапрыемстве прадставілі загадчыца навукова-даследчага аддзела бібліятэказнаўства Марына Пшыбытка і галоўны бібліятэкар гэтага ж аддзела, куратар па метадычным суправаджэнні дзейнасці бібліятэк Магілёўскай вобласці Наталля Карняйчук.
Марына Пшыбытка прадставіла параўнальны аналіз дзейнасці бібліятэк краіны, пазнаёміла ўдзельнікаў семінара з “Рэкамендацыямі па метадычным суправаджэнні дзейнасці публічных бібліятэк Рэспублікі Беларусь”, распрацаванымі НББ у 2021 годзе, рашэннем калегіі Міністэрства культуры Рэспублікі Беларусь “Аб арганізацыі работы публічных бібліятэк. Праблемы, перспектывы, шляхі развіцця”, акрэсліла асноўныя тэндэнцыі развіцця бібліятэчнай справы ў Рэспубліцы Беларусь.
Удзельнікі намецілі прыярытэтныя напрамкі метадычнай работы бібліятэк.
Матэрыял пададзены навукова-даследчым аддзелам бібліятэказнаўства.