З 25 па 28 чэрвеня на базе Нацыянальнай бібліятэкі Беларусі праходзяць мерапрыемствы Генеральнай асамблеі кансорцыума EIFL.
26 чэрвеня ў канферэнц-зале Нацыянальнай бібліятэкі Беларусі адбылося афіцыйнае адкрыццё Генеральнай асамблеі кансорцыума EIFL, у рамках якога з прывітальным словам да ўдзельнікаў мерапрыемства звярнуўся дырэктар Нацыянальнай бібліятэкі Раман Матульскі.
Навінамі EIFL з прысутнымі падзялілася дырэктар кансорцыума Рыма Купрытэ. У гэты ж дзень прайшлі пасяджэнні, удзел у якіх узялі 85 прадстаўнікоў кансорцыумаў – членаў EIFL і буйнейшыых фірм – агрэгатараў і пастаўшчыкоў электронных інфармацыйных рэсурсаў з 47 краін.
Кансорцыум EIFL (Electronic Information for Libraries: электронная інфармацыя для бібліятэк) – гэта міжнародная некамерцыйная арганізацыя, якая аб’ядноўвае бібліятэчныя кансорцыумы з больш за 45 краін Цэнтральнай, Усходняй і Паўднёва-Усходняй Еўропы, былога Савецкага Саюза, Афрыкі, Блізкага Усходу і Паўднёва-Усходняй Азіі. Галоўнымі напрамкамі яе дзейнасці з’яўляюцца падтрымка абмену ведамі ў глабальным маштабе, пабудова сеткі бесперапыннага павышэння адукацыі, а таксама падтрымка нацыянальных бібліятэчных кансорцыумаў.
 |
 |
 |
