6 сакавіка ў бібліятэцы прайшло святочнае мерапрыемства, прысвечанае Дню жанчын.
Святочным канцэртам супрацоўніц бібліятэкі павіншавалі артыст беларускай эстрады Алег Сямёнаў, бард, кампазітар, акцёр тэатра і кіно Анатоль Длускі, спявак Яўген Нікіцін. З гумарыстычнымі нумарамі выступілі супрацоўнікі экскурсійнага і фізкультурна-аздараўленчага аддзелаў Нацыянальнай бібліятэкі Беларусі.
Гледачы пачулі знаёмыя песні і ад душы пасмяяліся над інсцэніроўкай бытавых сямейных сітуацый, зараджаючыся добрым настроем напярэдадні свята.
Напрыкацы мерапрыемства жанчын цёпла павіншаваў дырэктар бібліятэкі Раман Матульскі.