3 красавіка ў рамках семінара “Бібліятэкі і кніжная культура Беларусі: з мінулага ў будучыню” дырэктар Нацыянальнай бібліятэкі Беларусі Раман Матульскі і загадчыца навукова-даследчага аддзела бібліятэказнаўства Марына Пшыбытка наведалі сельскую бібліятэку аграгарадка Мажэйкава Гродзенскай вобласці.
Бібліятэка, цэнтр грамадскага жыцця вёскі, абслугоўвае жыхароў 11 населеных пунктаў. Да паслуг чытачоў – утульныя чытальныя залы для дзяцей і дарослых. Кожны другі жыхар аграгарадка з’яўляецца чытачом бібліятэкі.
У рамках акцыі “Чытанне – прастора інфармацыі і ведаў” Раман Матульскі перадаў Мажэйкаўскай сельскай бібліятэцы камплект літаратуры для папаўнення яе фондаў.
Матэрыял прадастаўлены навукова-даследчым аддзелам бібліятэказнаўства.
