ГалоўнаяНавіныНацыянальная бібліятэка Беларусі
Апублікавана праграма семінара, прысвечанага пытанням аўтарскага права
Семінар у ВДУ па рэсурсах і сэрвісах ВЧЗ

Майстар-клас у музеі кнігі для студэнтаў БДПУ

Майстар-клас у музеі кнігі для студэнтаў БДПУ
Іншыя навіны

14 красавіка ў рамках святкавання 400-годдзя "Буквара" ў Нацыянальнай бібліятэцы адбыўся майстар-клас для студэнтаў факультэта пачатковай адукацыі Беларускага дзяржаўнага педагагічнага ўніверсітэта імя М. Танка.

Удзельнікаў мерапрыемства прывітаў намеснік дырэктара Нацыянальнай бібліятэкі Беларусі па навуковай рабоце і выдавецкай дзейнасці Аляксандр Суша. Ён пазнаёміў студэнтаў і выкладчыкаў з лепшымі ўзорамі кніг для пачатковага навучання, створанымі на беларускіх землях за чатыры стагоддзя, якія дэманструюцца на выстаўцы ў музеі кнігі.

Сучаснымі навуковымі і метадычнымі напрацоўкамі ў методыцы навучання грамаце з будучымі педагогамі падзялілася Вольга Цірынава – вядучы навуковы супрацоўнік лабараторыі пачатковай адукацыі навукова-даследчага цэнтра Нацыянальнага інстытута адукацыі, кандыдат педагагічных навук, дацэнт, галоўны рэдактар часопіса "Пачатковае навучанне: сям’я, дзiцячы сад, школа", аўтар найнавейшага "Буквара" для школ з рускай мовай навучання.

Удзел у майстар-класе прынялі дэкан факультэта пачатковай адукацыі Наталля Ждановіч, намеснік дэкана па выхаваўчай рабоце факультэта пачатковай адукацыі Ірына Буторына і выкладчыкі Беларускага дзяржаўнага педагагічнага ўніверсітэта імя М. Танка.

Каментарыі карыстальнікаў:

Каментаванне даступна толькі зарэгістраваным карыстальнікам

Навіны

“Вар’ят”-перакладчык

22 Ліп 2018

Цяжка знайсці чалавека, які ні разу не чуў пра выдатнага французскага філосафа-асветніка XVIII стагоддзя Вальтэра. Таксама шмат хто ведае, што сапраўднае імя філосафа было Франсуа-Мары-Аруэ. Але малавядомы той факт, што ў яго было больш за 160 псеўданімаў!

Навіны бібліятэк

Востры тэмперамент Бярозкіна

21 Ліп 2018

Рыгор Бярозкін, якому ў гэтым месяцы споўнілася б сто гадоў, захапляўся паэзіяй Уладзіміра Маякоўскага. Яго з’едліва-змястоўнай рэзкасцю, адсутнасцю ўнутранага і вонкавага спакою, балансаваннем на мяжы кепскага густу і дзівоснай метафарыстыкі, нечакана вострым адчуваннем таго, што перад табой не верш, а... баксёрскі двубой, калі словы, вобразы, гукі, сказы б’юць па слыху і гусце чытача, як удары на рынгу.

Навіны бібліятэк

Рэйтынгі ад “Белкнігі”: творы на беларускай мове

19 Ліп 2018

У краіне працуе больш за 100 кнігарняў у сістэме дзяржаўнага кнігагандлю – крамы “Белкнігі”. Па кварталах і паўгоддзях распаўсюджвальнікі кніжнай прадукцыі вядуць рэйтынгі продажу: літаратуры замежнай і беларускай вытворчасці; літаратуры вытворчасці Рэспублікі Беларусь, якая прадаецца ў “Белкнізе”; літаратуры на беларускай мове.

Навіны бібліятэк

Ад Грушаўкі да Эйфелевай вежы: падарожжа па кнізе Таццяны Мушынскай

19 Ліп 2018

Працоўнае месца пісьменніка – стол з камп’ютарам. Менавіта такі вобраз паўстае ва ўяўленні большасці сучасных людзей. Ці ўсе пры гэтым разумеюць, што сюжэт ствараецца не падчас «прабежак» пальцаў па клавіятуры. Ён можа спець гадамі, нават дзесяцігоддзямі, складацца з дробных аскепачкаў жыццёвага досведу, успамінаў дзяцінства, пачуццяў, эмоцый, уражанняў… Часам з усяго гэтага вырастае квяцістае дрэва рамана ці аповесці. Часам кожны сюжэт прарастае асобнай раслінай, і пісьменнік апынаецца ў вялікім «садзе сваіх успамінаў». Як, напрыклад, Таццяна Мушынская.

Навіны бібліятэк

Моладзевы летнік на радзіме Васіля Быкава

22 Ліп 2018

14–19 жніўня ў Бычках – на радзіме Васіля Быкава – пройдзе моладзевы летнік “Брэнд беларускай культуры”, на які запрашаецца моладзь ад 18 да 30 гадоў. Удзельнікі змогуць сумясціць адпачынак, нефармальнае навучанне на свежым паветры ды працу па ўладкаванні тэрыторыі каля дома-музея пісьменніка.

Навіны бібліятэк