15 лістапада ў Акадэміі кіравання пры Прэзідэнце Рэспублікі Беларусь спецыялісты аддзела даведачна-інфармацыйнага абслугоўвання правялі майстар-клас для юрыстаў, студэнтаў, аспірантаў і выкладчыкаў установы адукацыі.
Мерапрыемства прайшло ў рамках VII Рэспубліканскай канферэнцыі “Уклад маладых вучоных у развіццё прававой навукі Рэспублікі Беларусь”.
У ходзе майстар-класа, прысвечанага правілам афармлення бібліяграфічных спісаў да навуковых работ, слухачы азнаёміліся з нарматыўнымі дакументамі, якія рэгламентуюць складанне бібліяграфічнага апісання, асаблівасцямі афармлення запісаў на асобныя віды выданняў і атрымалі адказы на пытанні, якія іх цікавілі.
Нацыянальная бібліятэка Беларусі запрашае ўсіх зацікаўленых на штомесячныя бясплатныя заняткі па афармленні спісаў да навуковых прац, якія праводзяцца ў апошнюю сераду месяца ў 17.00 у памяшканні 257с (зала для групавых заняткаў).
Па дамоўленасці з навучальнымі ўстановамі магчыма правядзенне бясплатных выязных заняткаў.
Телэфоны для даведак: (8 017) 293 27 38, 293 27 39, 293 27 40.
Матэрыял падрыхтаваны аддзелам даведачна-інфармацыйнага абслугоўвання.