20 жніўня ў дзіцячым пакоі Нацыянальнай бібліятэкі Беларусі прайшлі творчыя заняткі “Матылёк-прыгажун”.
Хлопчыкі і дзяўчынкі пазнаёміліся з пацешнымі вершамі, адгадалі загадкі пра казурак, паглядзелі слайд-прэзентацыю з мноствам вельмі прыгожых і незвычайных матылькоў.
На памяць пра мерапрыемства кожны ўдзельнік зрабіў з пластыліну і паперы сваю непаўторную кампазіцыю.
Напрыканцы заняткаў дзеці паглядзелі пазнавальны мультфільм пра матылькоў.