13 жніўня а 16-й гадзіне ў мабільнай галерэі (3-ці паверх) ладзіцца ўрачыстае адкрыццё культурна-асветніцкай выстаўкі “Марцін Лютар: 530 гадоў з дня нараджэння”.
Выстаўка падрыхтавана Нацыянальнай бібліятэкай Беларусі сумесна з грамадскім аб’яднаннем нямецкай культуры “Масты” і прысвечана 530-годдзю “вялікага рэфарматара” Германіі Марціна Лютара.
У 2017 г. споўніцца 500 гадоў, як Марцін Лютар прыбіў свае 95 тэзісаў супраць індульгенцый да брамы Замкавай царквы ў горадзе Вітэнбергу ў Германіі.
З 2008 па 2017 г. у Германіі праходзяць Лютараўскія дэкады і ладзяцца выстаўкі, спектаклі, дыскусіі, іншыя мерапрыемствы, прысвечаныя юбілею Рэфармацыі і асобе Марціна Лютара.
Наведвальнікі выстаўкі маюць магчымасць далучыцца да шэрагу гэтых значных мерапрыемстваў.
У экспазіцыі будуць прадстаўлены ілюстрацыйныя і інфармацыйныя матэрыялы, а таксама мастацкія творы, прысвечаныя Марціну Лютару.
Выстаўка будзе працаваць да 29 верасня 2013 г.
Тэлефоны для даведак: (8 017) 293 27 67, 293 28 33.
Е-mail: pr@nlb.by