ГалоўнаяНавіныНавіны Нацыянальнай бібліятэкі Беларусі
Энцыклапедыі трагедый і змагання
Атэстат Максіма Багдановіча

Манюшка, Монюшко, Moniuszko… цяпер на трох мовах!

Манюшка, Монюшко, Moniuszko… цяпер на трох мовах!
Іншыя навіны

Віртуальны праект “Станіслаў Манюшка. Музычны рамантык з Міншчыны”, прысвечаны 200-годдзю з дня нараджэння нашага славутага земляка, стаў даступны на трох мовах: беларускай, рускай і англійскай.

Цяпер не толькі нашы суайчыннікі, але і прадстаўнікі іншых краін маюць магчымасць пазнаёміцца з творчай дзейнасцю і спадчынай выбітнага кампазітара, што будзе садзейнічаць папулярызацыі асобы Станіслава Манюшкі па-за межамі Беларусі.

Віртуальны праект “Станіслаў Манюшка. Музычны рамантык з Міншчыны” на беларускай, рускай і англійскай мовах – гэта ўклад Нацыянальнай бібліятэкі Беларусі ў святкаванне 200-годдзя славутага земляка, здзейснены ў рамках рэспубліканскага плана мерапрыемстваў да слыннага юбілею, уключанага ў спіс памятных дат ЮНЕСКА на 2019 год.

Спадзяёмся, што ў нашым інфармацыйным рэсурсе кожны карыстальнік з любога кутка свету адшукае для сябе нешта цікавае, карыснае, пазнавальнае і раней невядомае. Праект знаёміць з асобай Станіслава Манюшкі, яго творчай спадчынай, пастаноўкамі на беларускай сцэне, ушанаваннем памяці кампазітара ў Беларусі. Рэсурс змяшчае больш за 700 крыніц з розных калекцый Нацыянальнай бібліятэкі Беларусі: гэта кніжныя выданні, ноты, аўдыявізуальныя матэрыялы, артыкулы з газет і часопісаў. Сапраўдны падарунак для наведвальнікаў – 50 алічбаваных выданняў нотных дакументаў другой паловы XIX – пачатку XX стагоддзя.

У праекце прадстаўлены таксама і каштоўныя матэрыялы з Нацыянальнага гістарычнага музея Рэспублікі Беларусь, Дзяржаўнага музея гісторыі тэатральнай і музычнай культуры Рэспублікі Беларусь, Беларускай дзяржаўнай акадэміі музыкі і Цэнтральнай навуковай бібліятэкі НАН Беларусі.

Запрашаем усіх наведвальнікаў партала Нацыянальнай бібліятэкі пазнаёміцца з віртуальным праектам на любой з трох моў, праслухаць аўдыяфрагменты з лепшых твораў Станіслава Манюшкі і культурна ўзбагаціць сябе.

Тэлефон для даведак: (8 017) 293 27 43.

Матэрыял прадастаўлены інфармацыйна-аналітычным аддзелам.


Каментарыі карыстальнікаў:

Каментаванне даступна толькі зарэгістраваным карыстальнікам

Навіны

Створана Рэгіянальная сетка Зводнага электроннага каталога бібліятэк Беларусі

22 Ліп 2019

У ліпені 2019 года Рэгіянальны зводны электронны каталог бібліятэк Віцебскай вобласці далучыўся да сістэмы Зводнага электроннага каталога бібліятэк Беларусі. Яго запуск знаменаваў завяршэнне маштабнай работы па стварэнні Рэгіянальнай сеткі Зводнага электроннага каталога бібліятэк Беларусі.

Навіны Нацыянальнай бібліятэкі Беларусі

Факсіміле высокага ўзроўню

19 Ліп 2019

Міжнародны навуковы і выдавецкі праект па факсімільным узнаўленні кніжнай спадчыны Францыска Скарыны, рэалізаваны Нацыянальнай бібліятэкай Беларусі і Банкам БелВЭБ, доўжыўся пяць гадоў і быў паспяхова завершаны падчас святкавання 500-годдзя беларускага кнігадрукавання – у 2017 годзе.

Навіны Нацыянальнай бібліятэкі Беларусі

Па сакрэце: таямніцы фондасховішча Нацыянальнай бібліятэкі

19 Ліп 2019

Нядаўна мы прыадчынілі заслону таямнічасці ў сховішчы “алмаза ведаў”. Значная частка фондаў – гэта не кнігі. Прапануем зазірнуць на стэлажы з газетамі і часопісамі і даведацца больш падрабязна, што захоўваецца ў спецыялізаваным фондзе.

Аўтарскі погляд

Калекцыя Нацыянальнай бібліятэкі папоўнілася самым раннім выданнем Адама Міцкевіча з усіх, што зберагаюцца ў дзяржаўных зборах краіны

19 Ліп 2019

Гэта другі том легендарнага двухтомніка паэтычных твораў Адама Міцкевіча, які выйшаў ў траўні 1823 г. у выдавецтве знакамітага віленскага друкара і кнігагандляра Юзафа Завадскага.

Навіны Нацыянальнай бібліятэкі Беларусі

Беларускі “Буквар” крочыць па планеце

18 Ліп 2019

У 2018 г. Нацыянальная бібліятэка Беларусі завяршыла міжнародны навуковы выдавецкі праект па факсімільным ўзнаўленні кніжнага артэфакта – першай кнігі пад назвай “Буквар”, выдадзенай 24 ліпеня 1618 г. у друкарні Віленскага Свята-Духава праваслаўнага брацтва ў Еўе (цяпер г. Вевіс, Літва).

Навіны Нацыянальнай бібліятэкі Беларусі

Нацыянальная бібліятэка Беларусі на VI Форуме рэгіёнаў Беларусі і Расіі

18 Ліп 2019

16–18 ліпеня ў Санкт-Пецярбургу адбыўся VI Форум рэгіёнаў Беларусі і Расіі пры ўдзеле Прэзідэнта Рэспублікі Беларусь Аляксандра Лукашэнкі і Прэзідэнта Расійскай Федэрацыі Уладзіміра Пуціна, а таксама дэлегацый Савета Рэспублікі Нацыянальнага сходу Рэспублікі Беларусь і Савета Федэрацыі Федэральнага сходу Расійскай Федэрацыі па міжрэгіянальным супрацоўніцтве.

Навіны Нацыянальнай бібліятэкі Беларусі

“Новая” Эліза Ажэшка ў цыкле лекцый Святланы Воцінавай

15 Ліп 2019

Журналістка, галоўны рэдактар часопіса “Маладосць” Святлана Воцінава праводзіць цыкл лекцый, прысвечаны польскамоўнай прадстаўніцы беларускай літаратуры Элізе Ажэшка. У інтэрв'ю для Нацыянальнай бібліятэкі яна распавяла, чаму толькі зараз мы адкрываем для сябе “сапраўдны” вобраз пісьменніцы.

Аўтарскі погляд

111