29 верасня ў 18.30 у Нацыянальнай бібліятэцы Беларусі ў рамках праекта "Кропка Адліку" адбудзецца творчая гасціная "Маналог: вольная творчасць".
У рамках мерапрыемства ладзіцца сустрэча са стваральнікамі і аўтарамі часопіса "Маналог" – галоўным рэдактарам, літаратарам Аляксеем Андрэевым, выдаўцом, пісьменнікам Адамам Глобусам, фатографам, членам рэдакцыйнай калегіі Уладзімірам Парфянком, паэтам Аленай Кошкінай. Госці распавядуць пра сваю творчасць і перспектывы развіцця часопіса.
Часопіс "Маналог" – літаратурна-мастацкае ілюстраванае выданне, якое выходзіць у Беларусі з 1997 года. У часопісе публікуюцца проза, паэзія, аналітычныя агляды па выяўленчым, тэатральным і музычным мастацтвах, фатаграфіі, інтэрв'ю з дзеячамі культуры Беларусі і замежных краін. У аснову візуальнага рашэння часопіса пакладзены прынцып самастойнай эстэтычнай каштоўнасці кожнага нумара. У афармленні "Маналога" ўдзельнічаюць мастакі і майстры фатаграфіі.
Сярод падпісчыкаў часопіса найбуйнейшыя бібліятэкі свету: Нобелеўская бібліятэка, Бібліятэка Кангрэса ЗША, Нью-Йоркская публічная бібліятэка, нацыянальныя бібліятэкі Аўстрыі, Вялікабрытаніі, Германіі, Канады, Польшчы, Расіі, Францыі і інш.
На беларускім рэспубліканскім конкурсе "Мастацтва кнігі" часопіс "Маналог" быў прызнаны "Лепшым літаратурна-мастацкім выданнем", "Лепшым выданнем па выяўленчым мастацтве" і ўзнагароджаны дыпломам І ступені "За поспехі, дасягнутыя ў мастацка-тэхнічным афармленні і паліграфічным выкананні" (2002 г.), дыпломам II ступені "За высокую выдавецкую культуру" (2006 г.).
Мерапрыемства платнае – 2 500 руб. Аплата ў касе бібліятэкі (кіёск, цэнтральны ўваход).
Кантактныя тэлефоны: 266-37-37, 293-27-56; МТС (8 029) 7-725-752.