9 сакавіка 2008 года з 12.00 да 13.30 дзіцячы пакой Нацыянальнай бібліятэкі Беларусі запрашае хлопчыкаў і дзяўчынак разам з бацькамі на святочнае мерапрыемства "Мама, сонца і вясна".
Разам з бацькамі дзеці змогуць паўдзельнічаць у цікавых конкурсах, выявіць творчыя здольнасці, працавітасць, кемлівасць, выканаць сваімі рукамі нескладаныя вырабы. На свяце прыгажуня-Вясна загадае ім загадкі і пагуляе ў гульню "Сонейка і дожджык". Узнагародай за ўдзел будуць чарадзейныя кветкі з сюрпрызам, якія вырастуць на кветкавай паляне. Выдатным падарункам для мам стануць паштоўкі, вырабленыя сваімі рукамі.
Святочную атмасферу дапоўняць песні пра маму і пра вясну, а таксама прагляд любімага мультфільма.
Кантактны тэлефон: 293-25-34
