У Нацыянальнай бібліятэцы Беларусі склалася асаблівая традыцыя: напярэдадні Дня Перамогі шанаваць памяць загінуўшых, ускладаючы ад імя ўсіх супрацоўнікаў кветкі да манументаў Перамогі, аддаючы даніну глыбокай павагі ўсім пакаленням абаронцаў Айчыны.
У рамках святкавання 76-й гадавіны вызвалення Рэспублікі Беларусь ад нямецка-фашысцкіх захопнікаў 6 мая дэлегацыя бібліятэкі на чале з генеральным дырэктарам Раманам Матульскім узяла ўдзел у цырымоніі ўскладання кветак да мемарыяльнага комплекса “Курган Славы”.
Дзень Перамогі быў і застаецца светлым і значным святам нашай краіны. Напярэдадні знакавай даты прыміце шчырыя пажаданні дабра, міра, моцнага здароўя, шчасця і сямейнага дабрабыту. Няхай неба над нашай зямлёй заўсёды будзе мірным!
Да свята Перамогі Нацыянальная бібліятэка Беларусі падрыхтавала кніжную выставу “Вялікая Айчынная вайна ў творах мастацкай літаратуры”, прысвечанай творчасці беларускіх аўтараў-франтавікоў.
Матэрыял падрыхтаваны аддзелам сувязей з грамадскасцю.