ГалоўнаяНавіныНавіны Нацыянальнай бібліятэкі Беларусі
Наша дружная сям'я
Выстаўка нонфігуратыўнага мастацтва

Літаратурны вечар, прысвечаны юбілею Янкі Маўра

Літаратурны вечар, прысвечаны юбілею Янкі Маўра
Іншыя навіны

16 мая а 16-й гадзіне ў галерэі “Лабірынт” адбудзецца літаратурны вечар, прысвечаны 130-годдзю з дня нараджэння Янкі Маўра.


Янка Маўр (сапраўднае імя – Іван Міхайлавіч Фёдараў) з’яўляецца адным з заснавальнікаў беларускай дзіцячай літаратуры, лаўрэатам Дзяржаўнай прэміі БССР, заслужаным дзеячам культуры Беларусі. Пісьменнік не толькі ўзбагаціў беларускую дзіцячую літаратуру новымі тэмамі, своеасаблівымі жанрамі, але і пашырыў яе абсягі.

Кнігі Янкі Маўра вельмі папулярныя ва ўсім свеце і перакладаліся на рускую, украінскую, літоўскую мовы. Асобныя творы выдаваліся ў Амерыцы, Англіі і іншых краінах.

Нацыянальная бібліятэка Беларусі сумесна з Дзяржаўным музеем гісторыі беларускай літаратуры запрашае на літаратурны вечар і адкрыццё кніжнай выстаўкі “Чараўнік з краіны маленства”. Экспазіцыя змяшчае матэрыялы пра жыццё і творчасць таленавітага беларускага пісьменніка, знаёміць з яго творамі. На выстаўцы будуць прадстаўлены матэрыялы з фондаў Дзяржаўнага музея гісторыі беларускай літаратуры: рукапісы, машынапісныя тэксты, нататкі, фотаздымкі розных гадоў, кнігі на мове эсперанта, кнігі з дароўнымі надпісамі Янку Маўру і асабістыя рэчы пісьменніка.

Нацыянальная бібліятэка Беларусі падрыхтавала інфармацыйны рэсурс “Віртуальнае падарожжа з Янкам Маўрам”. Размешчаны на інтэрнэт-партале бібліятэкі праект дазваляе зрабіць цікавае падарожжа ў далёкія краіны разам з героямі кніг беларускага пісьменніка. Таксама да юбілею Янкі Маўра было алічбавана і размешчана ў электроннай бібліятэцы звыш 30 яго твораў.

Уваход на мерапрыемства – цэнтральны.

Тэлефоны для даведак: (8 017) 293 27 67, 293 29 80.

Е-mail: pr@nlb.by

Навіны

Віртуальны ваяж па тэатрах нашай краіны – з вэб-сайтам “Беларусь у інфармацыйнай прасторы”

20 Ліс 2019

Запрашаем наведаць тэатральную старонку навігатара “Беларусь у інфармацыйнай прасторы”. Тут вы знойдзеце інфармацыю аб музычных, драматычных, лялечных і іншых тэатрах Рэспублікі Беларусь, якія ставяць спектаклі для гледачоў розных узростаў: ад 3-х да 103-х гадоў.

Навіны Нацыянальнай бібліятэкі Беларусі

Росчырк Марка Шагала і асабісты подпіс Віктора Гюго – рэдкія асобнікі ў фондах Нацыянальнай бібліятэкі

18 Ліс 2019

А ці ведаеце вы, што ў Нацыянальнай бібліятэцы ёсць выданні з аўтографамі вядомых асоб – Сальвадора Далі, Марка Шагала, Віктора Гюго, Васіля Быкава і многіх іншых? Як знайсці гэтыя пярліны фондаў, раскажам у нашым матэрыяле.

Аўтарскі погляд

111